Page 26 - MIN JUS 11 MARCH 2017

E dos ultimo polisnan

deteni ayera a keda liber

Published on March 10, 2017 in Policial/SPLASH
ORANJESTAD, Aruba

Cu detencion di otro dos polis diahuebs ultimo ta haci esaki na cuater polis deteni pa un caso cu
nan a atende na Madiki. Sindicato di Polis ta trata di mantene coleganan polis trankil pa asina
laga tur investigacion tuma su rumbo mientras cu di nan banda lo no bai haci nada ainda. Segun
presidente di SPA, Juancho Gomez tin un grabacion di loke a sosode e dia anochi ey y abase di
esey tur e investigacion ta canando su caminda. E grabacion di e suceso awor ta den man di e
departamento cu ta haciendo e investigacion riba e cuater polisnan aki. Medianan cu a jega na e
sitio momento di e incidente.

Segun Sr. Gomez y SPA ta purbando di saca afo con esaki ta posibel. Sindicato SPA ta kere cu
tin prensa ta haya ayudo di paden mes, for di miembronan, of for di coleganan polis. Riba esaki
lo bay saca un carta pa Korpschef pa saca afo kico ta pasando y con esey ta posibel. Segun Sr.
Gomez ta imposibel cu un patruya di polis ta yega na un sitio y di biaha tin prensa su tras. Esey
ta keda tambe pa investigacion cu ta tumando luga ful completo prome cu haci cos descabeya pa
mañan sali malo di dje.

Na final Sr. Gomez a bisa cu nan ta para pa un sindicalismo profesional y responsabel. Pesey ta
haci un yamada na tur miembro pa no haci nada robez cu por sali bo malo y mañan e sindicato
no por para bo tras. Te awor aki tin cuater polis deteni pero e ultimo dos nan a keda liber ayera
mes. E grabacion ta mustra cu tabatin mas polis na e sitio pero pa awor ta cuater ta envolvi.
Expertonan ta bay revisa e grabacion y mira si a edit den dje. Pero pa awor Sindicato di Polis ta
laga e investigacion tuma luga.

http://earubianonews.com/2017/03/10/e-dos-ultimo-polisnan-deteni-ayera-keda-liber-ayera-mes/