Page 31 - MIN JUS 11 MARCH 2017
P. 31
Luz di trafico na Kibaima lo sali for di servicio entrante 13
di maart 2017
Friday, 10 March 2017 17:18
Comparti
Departamento di Obra Publico ta informa pueblo di Aruba en general y specialmente nos
automobilistanan cu entrante 13 di maart 2017, e luz di trafico na Kibaima / Drive Inn lo sali for di
servicio. Esaki ta enconexion cu trabounan di Green Corridor cu lo bay tuma lugar na e crusada aki.
Algun dia despues di esaki lo cera un parti di e crusada. Por spera mas informacion lo despues den
tur medionan di comunicacion. Rutanan alternativo lo keda indica cu baricadanan y borchinan di
aviso. En conexion cu e trabou menciona Departamento di Obra Publico ta haci un peticion na tur
automobilista pa no haci uzo di e camindanan y ta pidi pa tene cuenta cu e inconveniencianan cu lo
por surgi pa cual nos ta pidi nos disculpa.
http://www.24ora.com/index.php?option=com_content&view=article&id=119594:luz-di-trafico-na-
kibaima-lo-sali-for-di-servicio-entrante-13-di-maart-2017&catid=1:local&Itemid=5
Minister Dowers a entrega promocion na empleadonan di
KIA
Friday, 10 March 2017 17:27
Comparti
Diabierna mainta na Instituto Correccional (KIA) a tuma lugar entrega di varios decreto
gubernamental den algun caso acompaña pa un insignia nobo indicando e promocion den rango di
algun trahador di e institucion.
Minister di Husticia Arthur Dowers a felicita tur cu a ricibi nan promocion y a remarca cu e la tuma
nota di e adelanto tumando lugar den varios area den e institucion aki. E mandatario ta spera cu e
adelanto aki continua mirando e condicionnan di trabou cu no tur ora ta esun di mas facil,
sinembargo nan ta cumpli cu nan labor y awe esaki ta resulta den un promocion pa nan. E titular a
haci un apelacion na e empleadonan presente, pa sigui haci nan trabou y tambe sigui motiva e otro
ploegnan laborando apesar di e scarsedad di trahador cu tin actualmente. Minister Dowers a finalisa
felicitando tur cu a ricibi promocion y a informa cu ta trahando duro pa recluta personal nobo y ta
spera cu e grupo aki lo por guia esakinan di mes manera cu nan a bin ta labora durante ultimo
añanan.
