Page 27 - MIN JUS 11 MARCH 2017

Diasabra awor ta bende

arte y obra di man traha pa

presonan di KIA

Published on March 11, 2017 in Social
ORANJESTAD, Aruba

Ta rebiba un evento unico diasabra – dia 11 di maart – despues di hopi tempo y cu hopi
entusiasmo ta e benta di arte y obranan di man traha pa e presonan di KIA. For di un BBQ Pit
completo gewelder di materialnan di bon calidad, stoel pa hardin y pintura bunita, te na tas
gehaak, peluche, pechi y popchi, tur cos lo keda exponi y ta obtenibel pa publico general cumpra
na e mercado net pafo di tereno di KIA for di 9’or di mainta pa 1’or di merdia. E intencion ta pa
e benta aki tuma luga un biaha pa luna.
Loke ta mas bunita di e proyecto aki ta cu personanan cu ta deteni den KIA ta haya un
oportunidad pa desaroya nan talentonan, of demostra e talento cu nan ta consciente di dje caba, y
cu nan mes por mira y descubri cu nan trabao y nan talento tin un balor.

Pueblo por mira cu e ser humano cu a haci malo y a caba den KIA tin su banda bunita, su talento,
su arte. E cosnan cu nan ta traha ta wordo traha hunto, den un grupo, pero tin cosnan cu nan ta
sigui traha riba nan den nan celnan tambe y cu nan ta comparti cu traha cu nan y concentra riba
algo positivo cu ta resulta den un producto final bunita ta yuda nan relaha y distrai tambe. E parti
di autoestima sigur tambe ta bin dilanti den e situacion aki unda cu nan ta realisa cu nan por y ta
traha un producto cu otro hende ta gusta, ta pidi pe y kier paga pe. E situacion cu ta wordo crea