Page 65 - AHATA

tabatin debe grandi cu a haci cu ora Aruba tabata negocia rehabilitacion di CITGO, casi
mita tabata garantia di pago na e compania estatal Ruso Rostnef.

Pueblo di Aruba no a ser poni na altura di e relacion real entre CITGO y PDVSA. Tur

advertencia di exterior, incluso di Reino, a ser contradeci cu e declaracionnan di
Gobierno anterior cu ta un epoca nobo ta cuminsa pa Aruba.

REFINERIA MESTER A EVITA DESASTER

Loke no a ser bon splica na Aruba for di 2015 tabata, cu e proyecto CITGO mester a
yuda e pais genera fondo pa sali for di e situacion peligroso produci pa e debe nacional.

Awor cu CITGO Aruba no a bira realidad, pueblo di Aruba a cuminsa realisa kico a
sosode. Na 2015, e situacion na Aruba a sigui empeora.

Supervision financiero Hulandes a haci cu e fayo riba presupuesto a baha. E situacion

financiero di Aruba a sigui malo y a bira 82.2 porciento di e Produccion Bruto Nacional.

Den e resumen anual di economia Arubano di Banco Central, “State of the Economy”,
por tuma nota cu economia despues di 2015 lo depende di realisacion di proyectonan

pendiente y resultado di turismo.

Den e situacion aki e plan pa rehabilita refineria ta bin dilanti. Pa economia reactiva lo
ta central pa e plannan pa rehabilitacion ser ehecuta y e entradanan bira realidad.

2016 ta anuncia su mes. Den e relato riba estado di economia durante e prome
trimester di 2016 Banco Central ta trece dilanti con durante e prome lunanan di 2016,
turismo ta baha.

Aruba ta confronta un problema sumamente serio. Entrada di Gobierno ta baha. Un
buelta miho ta unicamente posibel si realisa e proyecto di refineria.

Na 2016, Aruba y mundo ta cera conoci cu e acuerdo entre CITGO y Aruba cu
realmente ta e acuerdo entre Aruba y Venezuela, ya cu CITGO ta di estado Venezolano,
siendo subsidiario di PDVSA.