Page 66 - AHATA

Ta PDVSA y Gobierno Venezolano mester pone e prome 100 Miyon Dollar riba mesa
manera CITGO ta pidi aunke na Aruba ta nenga e relacion directo entre CITGO Aruba y
Venezuela.

2017: CRISIS TA BIRA REALIDAD

Tur rapport di instancianan oficial ta ilustra con na 2017, crisis ta un realidad pa Aruba
cu mester bay vota y ta trece cambio den gobernacion.

Den su relato pa e prome nuebe lunanan di 2017, Banco Central ta papia di un indice di
confiansa di publico cu a crece. Por nota mas actividad economico, mas permiso pa
construccion. E relato describi un pais en espera di reapertura di e refineria na 2018.

E deficit di comercio ta aumenta. Tin un saldo negativo pa e balansa di pago.

“Como resumen, e economia ta parce di a recupera durante e prome nuebe lunanan di

2017.

Sinembargo, cautela ta permanece debi na riesgonan manera e caracter sostenibel di
consumo y

inversion, e posicion financiero debil di gobierno, e tendencia descendiente den
reservanan

internacional di divisa, y e situacion politico fragil na Venezuela,” Banco Central ta
adverti.

E situacion politico fragil lo ta hustamente e loke ta parce di ta e final di un soño na

2018.

E presupuesto pa 2018 a ser trata despues cu un Gobierno nobo a sinta y a tuma
medidanan severo den un situacion financiero desastroso.

Mester a elimina e apertura di e refineria for di cifranan original. E milager a faya den
un situacion mas peligroso cu a pensa na 2014.