Page 69 - AHATA

No obstante el a expresa cu tanten cu CITGO tin problema cu placa, nada no pasa. “Nos
ta suppose aworaki aki di ta den e proceso di rehabilitacion, y debi cu tin problema
internacional cu fondo, e ta stanca na e momento e proceso di rehabilitacion aki na
Aruba.

Tanten cu tin problema di placa gobierno ta bezig sondeando for di unda e hendenan
aki por bay den pugna cu e contrato. Tanten nan no bay den pugna cu e contrato
Gobierno no por haci nada. Na momento cu nan bay en pugna gobierno por busca un

forma pa kibra e contrato y pone tur consecuencia riba CITGO”, e parlamentario a
expresa.

El a agrega cu mientras tanto mester wak con e desaroyo ta sigui cu CITGO pasobra

mucho cos gobierno no por haci aworaki. Si gobierno dicidi di bay kibra e contrato, pais
Aruba ta sali perdi, y nos pais tin cu asumi tur e consecuencianan financiero.

Howell a menciona cu Aruba ta den un situacion hopi penoso aworaki, y no por expone

nos mes na paga CITGO bek.

“Cu poder di Dios ban spera cu CITGO lo logra drecha nan situacion financiero, anto pa
di tur manera e rehabilitacion cuminza. Loke si mi sa ta cu di ningun manera CITGO tin

e intencion di perde e refineria, al contrario nan mester di dje. Ta gewoon e situacion
financiero cu nan ta aden aworaki, ta pone cu cierto proceso no ta canando manera
mester ta”, segun parlamentario Alan Howell.

E parlamentario a agrega cu Gobierno tin contacto gasta regular cu e Gerente di CITGO
y nan ta keda monitorea con e situacion ta canando, y nan ta pidiendo gobierno varios
biaha pa tin un tiki pasenshi, pasobra segun nan, nan ta kedando cla cu e problema
financiero cu nan tin.

Parlamentario Howell a bisa cu tin hopi mama y tata Arubiano trahando den e refineria
pues ban spera cu nan lo haya e fondonan pa e proceso sigui desaroya. E ta spera cu e
refineria habri pasobra tanten e ta habri tin trabao y esaki kiermen tin pan riba mesa.

Howell a acentua si, cu e ta kere cu e distrito di San Nicolas no por keda depende riba
CITGO. E ta kere fielmente, den e necesidad di un hotel na San Nicolas.