Page 15 - MIN JUS_Neat

Mas prueba di pago pa ontheffing
2 mins ago 0 4 Views
Mas prueba di pago pa ontheffing ta mira lus di dia
Ayera Solo di Pueblo a haya mas prueba di pago cu a wordo hasi bao mesa pa ontheffing di Paul.
Aki otro recibo di 2900 florin cu un persona a paga.
Manyan nos lo elabora mas riba e denuncia publico y e pago di 9 mil florin.
E victima lo bay Ministerio Publico awe pa entrega su pruebanan.

Victimanan di permiso gate ta saliendo dilanti

bisando cu nan a paga 2900 florin pa ontheffing

8 hours ago 0 2,219 Views
Un persona di origen Latino a aserca nos redaccion pa asina conta nos su mal experiencia cu
asunto di ontheffing. Riba e recibo cu ela presenta aki, e Latino ta bisa cu ela paga 2900 florin
na un persona, cu ta bon acomoda cu Minister, pa asina e por haya papel di positivo, conoci
como ontheffing.
E ta alega cu entotal e mester a paga 9 mil florin, pero di cual 2900 florin tabata pa e papel
positivo. E persona intermediario a bisa di tin bon contacto cu minister y lo percura pe haya su
permiso.
E persona aki ta sinti’e cu ela bira victima, pasobra e ta uno cu nunca a haya su permiso. Loke si
ela haya ta un papel, cu ta mustra cu el’a haya ontheffing, pero su permiso mes nunca a sali.
E Latino ta sinti cu awor ta basta, y e kier haya bek su 9 mil florin. Den curso di siman e lo
acudi na Miniserio Publico pa hiba un cantidad di comrpobante di pago y lo bay conta Ministerio
Publico ta via kende ela paga pa e positivo. E recibo adhunto ta su recibo di pago pa ontheffing
y e sa precisamente ta na ken ela paga, ya cu e tin suficiente prueba.
E caso di permiso gate ta keda bao investigacion y poco poco Latinonan na Aruba ta haya
curashi, nan miedo ta kita y ta cuminza saca recibonan di pago, cual nan mes ta haya cu ta un
abuso hopi grandi cu AVP a haci cu nan, esta chica nan hopi placa pa firma ontheffing, pa cual
algun a keda cla, pero hopi a wordo enganja tambe.