Page 11 - MIN JUS_Neat

morto di e dama D. Abogado no ta haya cu tin suficiente prueba cu ta mustra cu J.B.R.
a maltrata D. E sospechoso a bisa cu 1’or di marduga D. a yega cas burachi y tabata
riba cama drumi. Na dado momento a lanta y cay y no a bin bij mas. Testigo cu ta biba
eybanda, no a scucha ningun gritamento. Personal di Ambulance a bisa cu e cuarto

tabata reboltea pero no tabata mustra cu lo tabatin luchamento y maltrato. E abogado
ta haya cu no tin ningun prueba cu ta mustra cu J.B.R. a maltrata e victima.

Na opinion di abogado, si mira tur e slanan cu e victima tabatin, esey ta mustra cu e lo

mester a grita si ta e momento ey el a worde maltrata. Por bien ta cu ora e dama D. a
yega, e lo tabata maltrata caba.

Segun e abogado, Fiscal a bin cu henter storia pa purba mustra cu ta J.B.R. a maltrata

e dama D. El a mustra cu J.B.R. mes a bisa cu el a purba reanima e dama. Esey ta
splica caba pakico e dama tabatin ribchi kibra. Ademas ta asina cu e personal di
Ambulance tambe por a causa ripchinan kibra. Esaki a yega di sosode caba den pasado.
E sla y herida patras di cabez di e victima, ta cuadra cu e cashi cu J.B.R. a bisa cu e

dama a dal su cabez na esaki.

Pa loke e preso L. ta declara, e abogado a mustra cu J.B.R. a bisa cu el a conta L. cu e
dama a cay y muri. E cos ta cu e preso a bin cu storianan. E ta haya cu di parti di Fiscal

no a bay check man di J.B.R. No a bay scucha e guardia di CEA cu a tende J.B.R. papia.

Tur esaki na opinion di Abogado, ta falta di pruebanan pa bay exigi 12 aña di prison. Si
J.B.R. a purba reanima e dama y ribchinan a kibra, esey no ta haci cu e ta culpable di

morto. E ta worde laga liber di esey.

E abogado a conclui cu mester declara J.B.R. liber. Si J.B.R. worde declara liber, e no
mester paga daño demanda di e famianan. J.B.R. mes a bisa Hues cu ta duel’e cu el a

perde su amiga D.

Hues a sera tratamento di e caso y a bisa cu dia 26 Mei pa 8.15 di mainta lo tin
sentencia.