Page 7 - MIN JUS_Neat

ORANJESTAD (AAN): E homber J.B.R. acusa di a mata su amiga D. dia 21 Januari 2016,

ta para riba cu e no a haci nada y cu e ta inocente. Fiscal di su banda ta haya cu J.B.R.
ta culpable di a mata y a exigi 12 aña di prison. Abogado mr. Illes a bisa Hues cu e
hecho cu J.B.R. a purba reanima e victima ora el a cay den otro y su ripchinan a kibra,
no ta haci’e culpable di a mata y mester declara liber.

ACUSACIONNAN:

E acusacionnan cu Fiscal a presenta contra J.B.R. ta cu riba 21 di Januari 2016 el a

mata su amiga D. den e camber unda nan tabata drumi. Tambe Fiscal ta acusa J.B.R.
cu na December 2015 el a maltrata e dama D.

AINDA RAPORT NFI NO TA CLA:

Ta asina cu Fiscal tabata kier a pospone e caso pasobra ainda e raport di NFI (Instituto
Forense di Hulanda) no a yega riba e causa di morto di e dama D. Fiscal ta haya cu e
conclusion di patologo no ta mucho cla y pesey tabata kier tin un di dos opinion.

E sospechoso J.B.R. tabata papia un tono hopi altera den Corte. El a bisa Hues cu desde
24 Februari 2016 e ta sera y e ta haya cu ta fayo di Corte cu e raport no ta cla. Hues a
bisa cu e punto di discusion ta si lo bay sigui cu tratamento di e caso of no.

Fiscal a bisa Hues cu el a pidi informacion riba e raport di NFI pasobra ta tarda hopi
pero nada. E sospechoso tabata sacodi cabez y no tabata di acuerdo cu ta warda.

E sospechoso a bisa Hues cu ni cuanto investigacion haci, lo no bay haya nada. Tur cos
lo keda mescos cu el a declara. E ta para riba cu e no a haci nada.

Abogado mr. Illes a bisa Hues cu ta mas cu 1 aña a pasa y ainda no a trata e caso. El a

pidi tempo pa papia un rato cu e sospechoso riba e asunto. Ta asina cu psychiater e
mainta ey a entrega su raport y ta haya J.B.R. totalmente responsabel pa loke el a haci.