Page 9 - MIN JUS_Neat

Hues a mustra cu e victima tabatin herida tras di cabez. El a puntra e sospechoso
pakico e victima tabatin herida. Segun e sospechoso e no sa. El a bisa cu e victima a
cay y dal su cabez na rand di un cashi.

Otro preso a papia: Hues a mustra cu un preso L. na warda di Polis a bisa cu J.B.R. a
bis’e cu el a dal mata un muher. J.B.R. a bisa cu no ta berdad. Hues a mustra tambe
riba declaracion di un guardia di CEA kende a scucha J.B.R. bisa cu el a dal e victima 15
biaha y no por haya prueba pasobra el a usa paña cu cloro pa tapa su mokete. Despues

el a hisa e victima y pone riba cama y a yama 911. J.B.R. a bisa Hues cu tur eseynan ta
gañamento. El a bisa Hues cu el a bisa cu su amiga a muri y cu el a pone riba cama,
pero nada di a dal. Hues a remarca cu gran parti di loke e personanan a bisa ta cuadra.

Un persona den tribuna a lanta para y a bisa Hues pa condena J.B.R. na 25 aña di
prison pasobra e ta un criminal. Despues di a bisa esey, el a sali for di sala.

Hues a remarca cu tur cos tabata hole cloro. Segun J.B.R. el a usa cloro pa reanima e

victima. El a bisa cu por ta e boter di cloro a bolter ora e tabata atende e victima.

Maltrata dama: Hues a mustra na December 2015, J.B.R. a maltrata e dama D. J.B.R. a
bati’e. E dama a grita pa ayudo y a bisa cu J.B.R. ta kita tur placa di dje. E tabatin

varios mancha blauw na curpa. Segun J.B.R., e dama D. mes a tira su curpa riba suela.
Segun J.B.R. tabatin hende cu a mira kico a pasa. El a bisa Hues cu no tin ningun
prueba cu el a bati su amiga D. Fiscal a bisa cu un homber P. a bisa cu J.B.R. a dal e
dama. Segun J.B.R., esey ta mentira.

RAPORT PSYCHIATER:

Hues a bisa cu e raport di psychiater ta mustra cu a papia cu J.B.R. y cu J.B.R. tabata

usa marihuana. Na 2010, J.B.R. tabata interna na Paaz pa tratamento di adiccion.
Segun J.B.R. e tabata usa heroina. Psychiater ta haya cu J.B.R. ta bon bon y ta
responsabel pa su actonan.

EXIGENCIA DI FISCAL:

Fiscal a bisa cu e hecho cu J.B.R. ta desmenti ta haci cu mester presenta pruebanan.
Fiscal a cuminsa cu dia 10 December 2015, J.B.R. a maltrata e dama D. Polis a haya e