Page 8 - MIN JUS_Neat

A SIGUI CU CASO:

Despues di a reuni cu e sospechoso, e abogado y e sospechoso a bolbe den sala di
Corte. E sospechos a bisa Hues cu e no ta di acuerdo pa pospone e caso. El a reclama

cu cada vez ta pospone e caso. E ta haya cu nada otro lo bin afor cu loke el a declara.
El a bisa cu e no a haci nada. El a bisa cu e tabata drumi riba cama cu e victima. Na
dado momento e victima a lanta for di cama y a cay den otro y no tabata reacciona. El
a pone ariba cama y duna respiracion artificial pero nada. El a yama 911.

Hues a bisa cu e ta fastioso cu ainda NFI no a duna resultado riba investigacion. Hues a
bisa cu no ta conoci si lo bay haya resultado di e raport y a dicidi di sigui cu e caso.

Maltrato di Polis: Segun J.B.R. el a worde maltrata door di Polis pa admiti pero e ta para
riba su palabra cu e no a haci nada.

RAPORT PATOLOGO:

Hues a bisa cu segun patologo el a constata 2 kap riba cabez parti patras pero
supervicial. E kapnan ta net banda di otro. Tambe tin sla na banda di cabez. Tambe tin
diferente marcanan blauw na parti ariba di curpa. Tin algun ripchi parti drechi y robez

kibra. Tambe e patologo a constata perforacion di pulmon drechi.

No sa kico a causa morto. No ta mucho cla kico a causa morto di e victima. Na opinion
di e patologo, door di shock severo a causa hopi daño paden di e curpa. E dañonan den

e curpa por a causa morto di e victima D. Famia di e victima tabata presente den sala
di Corte y por a nota cu un di nan tabata yora ora Hues tabata bisa kico patologo a
pone den e raport.

E sospechoso a bisa Hues cu e personal di Ambulance tabata traha hopi rato riba e
victima.

Hues a bisa cu Polis a constata cu tabatin holor fuerte di cloro den e camber. A haya

manchanan di sanger. E carson di e victima tabata hole cloro y a haya paña di baña cu
tabata hole cloro. Segun e sospechoso el a basha un tiki cloro riba un paña pa pasa na
nanishi di victima pa mira si e ta reacciona. El a desmenti cu tabatin sanger riba e
victima y den camber.