Page 10 - MIN JUS_Neat

dama benta abao y e dama a bisa cu e tin relacion cu J.B.R. y e motibo di e maltrato
tabata jaloersi. Fiscal ta haya proba cu J.B.R. a maltrata e dama.

Fiscal a sigui cu dia 21 di Januari 2016, a haya e dama D. morto den camber. Patologo

ta papia cu door di slanan fuerte a causa dañonan interno cu a mata e dama. E
ribchinan fractura a causa morto y esey, na opinion di Fiscal, a sosode promer cu
personal di Ambulance a bay atende e victima.

Fiscal a bisa Hues cu e no ta kere cu e personal di Ambulance a kibra e ribchinan. Ora e
personal di Ambulance a bay atende e victima D., ya e tabata morto. Fiscal ta haya cu
ta J.B.R. a kibra e ribchinan di e victimanan.

Na opinion di Fiscal, si scucha e preso L. cu a papia cu J.B.R., e ta cuadra hopi cu tur e
slanan cu e victima tabatin. E victima tabata morto caba ora cu personal di Ambulance
a yega. Ta J.B.R. a maltrata e dama. J.B.R. ta bisa cu e victima tabata burachi y a cay
dal su cabez contra e cashi y fayece. E storia ey Fiscal no ta kere. Segun Fiscal, e

heridanan patras di cabez di e victima no por a sosode door di dal cabez contra e cashi.
No ta otro cu tur e slanan ta causa door di J.B.R. E camber tabata full na cloro y
mester a saca e victima afor pa atende door di holor fuerte di cloro. Fiscal ta kere
cu J.B.R. a usa cloro pa kita tur prueba. E ta kere cu J.B.R. a mata e dama y no a

asesin’e. Door cu e dama a yega cas laat, J.B.R. a perde cabez y a mat’e.

Fiscal a mustra cu na 2009 a condena J.B.R. pa atraco arma cu violencia. Na December
2015 a maltrata e dama y na Januari 2016 a mata e dama. Psychiater ta bisa cu J.B.R.

ta responsabel di su actonan. Fiscal a bisa Hues cu no tin motibo pa duna menos
castigo. El a exigi 12 aña di prison. Ademas el a pidi pa confirma demanda di daño di
mas 6 mil Florin di parti di e famia, cu ta e placa cu a paga pa entiero di e dama D.
Fiscal a bisa cu lo aplica medida di pago y si J.B.R. no paga, e lo bay 65 dia sera.

DEFENSA ABOGADO:

Abogado mr. Illes a bisa cu e no ta conoci cu caso December 2015 y ta laga esey na

decision di Hues. E caso 21 Januari 2016, ta algo hopi tristo. E abogado a bisa Hues cu
e pregunta ta si tin suficiente prueba pa por castiga J.B.R. como sospechoso. El a
mustra riba raport di patologo cu ta papia di schocknan fuerte a causa dañonan interno
cu a causa morto. E pregunta mester ta si J.B.R. a causa e slanan aki cu a causa e