Page 5 - WEB
P. 5
Diahuebs, 6 December 2018 AWEMainta 15
Gamma IT Solutions tambe a participa den Hour of Code
DIARANSON, 5 december, Gamma IT
Solutions ta participa den "Hour of Code". Tur
aña miyones di mucha na mas di 180 pais rond
mundo ta participa na "Hour of Code". "Hour
of Code" ta un proyecto cu ta introduci mucha
na "computer science" cu e meta pa stimula nan
interes den e area aki. Den un ora e mucha ta
siña e base di coding y programming via wega
riba computer. Esaki ta bira atractivo door cu
nan ta wega cu topiconan pa mucha manera
Minecraft, Star Wars, Frozen etc. Tur e material
pa e Hour of Code ta obtenibel riba www.code.
org.
E aña aki Gamma IT Solutions a ricibi dos klas
di Mon Plaisir Basischool, cu ta klas 4B y klas 5A
den su oficinanan. E muchanan e usa laptops pa
nan por code weganan hopi entreteni. Durante
e dos oranan e muchanan a wordo guia door di
e team di Gamma IT Solutions, hunto cu nan
maestronan y boluntario. E muchanan a pasa un
rato hopi agradabel ta code y a disfruta un dushi
pan di Subway durante e mainta aki.
Frank Baks, Director of Business Development,
ta comparti “Ta importante pa hasi actividadnan
asina innovativo cu e muchanan na Aruba y
rond mundo. E ta stimula nan logica, manera di
pensa y sigur e ta pone un base pa esnan cu kier
sigi bay den e ramo di ‘Computer Science’. Nos
ta sumamente contento di por a comparti cu e
muchanan y gradici na Mr. Onno, Juf. Merel y
demas docentenan di Mon Plaisir cu a coopera
cu nos. Danki tambe na full e team organisando
e Hour of Code Aruba”.
Di e mesun manera Gamma IT Solutions ta
encurasha mas organisacion pa participa den e
Hour of Code pa beneficio di tur nos muchanan.
