Page 9 - WEB

A17
HENDE Diahuebs 6 December 2018

Gamma IT Solutions tambe a participa den Hour of Code

ORANJESTAD - Tur aña, miyones di mucha na mas di
180 pais rond mundo ta participa na ‘Hour of Code’.
‘Hour of Code’ ta un proyecto cu ta introduci mucha
na ‘computer science’, cu e meta pa stimula nan interes
den e area aki.

Den un ora, e mucha ta siña e base di coding y programming
via wega riba computer. Esaki ta bira atractivo, door cu nan ta
wega cu topiconan pa mucha manera, Minecraft, Star Wars,
Frozen etc. Tur e material pa e ‘Hour of Code’ ta obtenibel
riba www.code.org.

E aña aki, Gamma IT Solutions a ricibi dos klas di Mon Plai-
sir Basischool, cu ta klas 4B y klas 5A den su oficinanan. E
muchanan e uza laptop pa nan por code weganan hopi entre-
teni. Durante e dos oranan, e muchanan a wordo guia door di
e team di Gamma IT Solutions, hunto cu nan maestronan y
boluntario. E muchanan a pasa un rato hopi agradabel ta code
y a disfruta un dushi pan di Subway durante e mainta aki.

Frank Baks, director of business development, ta comparti:
“Ta importante pa haci actividadnan asina innovativo cu e
muchanan na Aruba y rond mundo. E ta stimula nan logica,
manera di pensa y sigur e ta pone un base pa esunnan cu kier
sigui bay den e ramo di ‘Computer Science’. Nos ta suma-
mente contento di por a comparti cu e muchanan y gradici na
Mr. Onno, Juf. Merel y demas docentenan di Mon Plaisir cu
a coopera cu nos. Danki tambe na full e team organisando e
‘Hour of Code’ Aruba”.

Di e mesun manera, Gamma IT Solutions ta curasha mas or-
ganisacion pa participa den e ‘Hour of Code’ pa beneficio di
tur nos muchanan.