Page 11 - MIN VOS

AWEMainta Diamars, 6 December 2016 21

Prome “Skills Test” pa atletanan di Barracudas

DIASABRA, dia 3 di december, Barracudas a tene su prome
‘Skills Test” entre su atletanan. Barracudas ta hopi contento cu
tur atleta en total 31, di 12 & U, 13 – 15, 16 – 18 y e un atleta
di Open Team a participa na e test aki.

Skills Test ta encera cu atletanan a haci diferente test di “skills”
(abilidadnan) cu un atleta mester por domina pa e deporte aki,
e. o. di flexibilidad y forsa.
Tur esakinan a tuma lugar pafo y paden di pool. Tambe mester a
demostra e condicion den awa dor di landa ariba tempo.

Tabatin 12 diferente “skillstest” cu a tuma lugar rib’e diasabra aki.
Un dia cu sigur tabata hopi largo cuminsando for di 8’or y mey
di mainta y termindando 1’or di merdia. E test aki ta e prome di
un serie di 4 test cu lo sigui durante 2017.
Cu e test aki diferente hurado ta husga y duna puntuacion pa esaki.
Asina lo ta sigur cu cada atleta lo sa di domino cierto abilidadnan
y lo juda pa forma e seleccion di atletanan cu lo representa Aruba
den competencianan internacional.

Pa loke ta trata e siguiente actividad ta e “Mini-Arubaanse” un
competentia cu lo tuma lugar diasabra dia 10 di december cum-
insando for di 9’or di mainta.
Mini Arubaanse ta un competencia cu ta ensera diferente figura
obligatorio, cu e atleta mester por domina.
Tambe tur atleta lo landa e mes un rutina (mas cortico compara
cu competenicanan oficial), p’asina e hues nan haya un impresion
di e nivel di cada atleta.
Un y tur ta invita pa asisiti y duna sosten na nos atletanan e dia aki.

Por wak hopi mas potret di e test aki y otro actividadnan di Bar-
racudas Synchro Aruba rib’e pagina di Facebook. Corda “Like and
Share” Barracudas como e unico club di landamento sincronisa
na Aruba.