Page 9 - MIN VOS

AWEMainta Diamars, 6 December 2016 19

Torneo HEINEKEN femenino fast pitch di Aruba Softball Bond a continua

Jaguars ta rally pa gana Tanki Leendert Girls

13-10 pa mantene su invicto den 5 salida

TORNEO HEINEKEN femenino fast pitch di Aruba Softball
Bond a continua den fin di siman. Den un tremendo encuentro
entre Jaguars y Tanki Leendert Girls e ekipo di Rayborn Didder
a soda frieu unda por poco Tanki Leendert lo a kibra nan invicto.

Finalmente riba 2 error costoso di primera base Jaguars ta logra
rally pa seya e victoria y mantene nan mes impecable cu 5 victoria
y 0 derota. Jaguars 13 careda, 12 hit, 4 error.
Tanki Leendert Girls 10 careda, 3 hit, 4 error.

Ludmila Geerman kende ta drenta releva Carilina Kock den di
3 inning ta bay cas cu e victoria. Milderd Kock ta bay henter e
ruta pa Tanki Leendert Girls, pero mester conforma su mes cu e
derota mirando atras riba un bon actuacion.

Mihor bateadornan pa Jaguars ta Jennysela Tromp 4-4, Ludmila
“Michi” Geerman 3-2, Ahira Ignacia 4-2, Carolina Kock 2-2,
Milvienne Henriquez y Zayda Henriquez ambos di 3-1.

Pa Tanki Leendert Girls a destaca na plato Jelitza Ras y Tian
Winklaar di 3-1, Zuleyma Croes di 2-1. Torneo ta den bon drive
y ekiponan ta batayando fuerte contra otro.
Softball femenino den pleno desaroyo.