Page 7 - MIN VOS
P. 7
AWEMainta Diamars, 6 December 2016 17
Brazil Taekwondo Stichting a sali best team y
Joshua Klabér a sali Best Fighter n’e campeonato
nacional di San Nicolas Taekwondo Center
DIASABRA ultimo a tuma lugar e ultimo campeonato nacional
organisa pa San Nicolas Taekwondo Center bou guia di Master
Eric Barry.
Aaron Jacobs a registra e team di Train Hard Fight Smart di Brazil
Taekwondo Stichting. El a registra e team cu algun cara nobo cu
a subi e veld di combate pa prome y di dos biaha y asina a duna
nan e oportunidad di demostra nan abilidad.
Joshua Klabér a score un biaha mas n’e campeonato nacional di
San Nicolas Taekwondo Center aki y a duna un bon bataya den e
categoria di cadet y asina el a wordo escogi como mihor bringador.
E team elite mes ta descansando te cu dia 23 di december p’asina
nan cuminsa prepara pa aña 2017.
Brazil Taekwondo Stichting a sera aña 2016 cu e campeonato di
San Nicolas Taekwondo Center cu un team dinamico cu a consisti
di e siguiente atletanan; Eijah Mackay, Danon Delamore, Joshua
Klabér, Lixsandra Bello, Diziara Ponson, Dilon Brown, Qvion
Lints y Marylinn Fradl. Brazil Taekwondo Stichting ta contento
cu e team cu a wordo forma pa Aaron Jacobs, kendenan a bringa
y a logra bay cu e Best Team Cup.
Pabien p’e atletanan di parti di e directiva di Brazil Taekwondo
Stichting cu e logronan grandi aki.
