Page 3 - AWEMAINTA

Diamars, 30 October 2018 AWEMainta 3

Otro morto den trafico insigur na Aruba

AYERA dialuna madruga pa 00:34, Central di
Polis ta wordo notifica dor di Centro di Alarma
(AC) cu un accidente a caba di tuma lugar riba e
caminda di Bubali.
A dirigi e patruya di Noord n’e sitio di e suce-
dido y na nan yega ta topa cu un Toyota Yaris
color shinishi numera A-6665 cu a dal den un
mata di kwihi.
Personal di ambulance tambe a yega n’e sitio y
a trata na yuda e victima chauffeur, pero lamen-
tablemente no por a haci nada mas pe.
Pa 1:15 dr Texier a constata morto di Gilbert
Eloy Wernet, naci na Aruba dia 1 juli 1982 (36
aña) y biba na Papilon, Santa Cruz.
Departamento di Trafico a presenta n’e sitio pa
haci nan investigacion. Tambe Polis Tecnico y
Asistencia n’e Victima (Slachtofferhulp).
Según por a comprende, Gilbert ta masha conoci
den mundo di aviación y a yega di traha na dife-
rente compania di aerolínea y últimamente ta-
bata trata den Casino. Probablemente el a caba
di traha y tabata direccion pa su cas. E impacto
den e windshield ta indica cu el a dal su cabes
masha duro den e windshield. Ta ser pensa cu
probablemente e no tabatin safetybelts bisti of
el a pega soño y no a por a controla e auto mas.
Cuerpo Policial Aruba hunto cu AWEMainta
a manda palabra di condolencia na famia di e
fayecido.