Page 14 - MIN ARENDS

AWEMainta Diamars, 30 Mei 2017 33

MEP creciendo

cada dia mas

PARTIDO MEP desde comienso di nos campaña electoral, ta activo
cu diferente actividad pa convence e pueblo pa e cambio cu nos pais
mester di dje. For di lansamento di candidatonan nobo te cu plak sticker,
nos por nota crecemento di Partido MEP.

Den e fin di siman cu a pasa, candidatonan, campañadornan y siguidor-
nan di Partido MEP tabata bastante activo den diferente bario di nos
pais. Candidatonan a drenta bario cu nan sostenedornan pa trece nos
plan di speransa. Formando algun paradanan aki y aya cu no a wordo
plania, sinembargo, ta crece mientras ta bay rond.
Lider di MEP a bishita su bario y otro barionan. Banderanan a wordo
hisa na casnan unda doñonan ta pidi nos pa haci esaki. Y tambe varios
candidato a uza e oportunidad di fin di siman pa manda algun borchi
halto.

Nos a organisa varios accionnan pa plak sticker na unda nos ta invita
esnan cu ta desea plak sticker na nan auto pa yega sin miedo cerca nos.
Dunando nos asina e oportunidad tambe pa scucha e preocupacionnan
cu ta biba den nos pueblo.

E fin di siman a finalisa den gran forma cu e inauguracion di Cede di
Glenbert Croes na Morgenster. E actividad a cuminsa cu un parada cu
a yega e Cede bon anima.
Despues cu e Cede a ricibi e bendicion di Pastor, e ambiente a sigui
cu musica, bendemento di cuminda y discurso di Lider di MEP y di
Glenbert Croes.

Por spera mas di e actividadnan aki cu lo uni nos pueblo mas cu e Par-
tido MEP. Nos ta e partido di solucion pa e pueblo aki. Aruba ta duna
e señal cu nos kier cambio. Y hunto nos ta bay p’e cambio, sin miedo!