Page 22 - AWEMAINTA
P. 22
22 AWEMainta Diaranson, 30 November 2016
Biblioteca Nacional Aruba ta
organisa un Anochi di Storia
BIBLIOTECA Nacional Aruba ta organisa un Anochi di Storia. Cu mucho
gusto y animo participantenan di Curso Skirbi Creativo ta conta un storia cu
nan mes a skirbi.
E anochi di storia ta tuma lugar na Biblioteca na Playa diahuebs anochi dia 1 di
december pa 7’or.
Den ultimo dos aña, Biblioteca a organisa diferente curso di skirbimento y for di
esaki a sali un coleccion di storia cu ta bunita y interesante pa comparti cu otro.
Cursistanan a experimenta cu diferente estilo y idea bou guia di schrijfcoach
Byande van Andel. Un biaha pa luna un grupo ta topa cu otro pa comparti
storia y duna otro feedback.
Pianistanan Catherine Provence-Hanrath y Rob Rijnbout ta toca piano
y coro ‘Coro da Ca Po’ ta canta. Un y tur ta bon bini diahuebs anochi.
Un anochi diferente cu storia.
