Page 23 - AWEMAINTA
P. 23
AWEMainta Diaranson, 30 November 2016 23
Minister Paul Croes
ta apoya Cruz Cora cu
Paranda di Bochincha
UN biaha mas Minister Paul Croes ta felicita Cruz Cora pa e tremendo
iniciativa na beneficio di personanan special den nos comunidad, esta
e ‘Paranda di Bochincha.’
“Un evento sumamente bunita, alegre y importante. Ta muestra cu nos
tur ta igual y cu nos tur merece di ta contento. Danki Cruz Cora pa
haci esaki atrobe pa e personanan special den nos comunidad”, tabata
palabra di Minister Paul Croes durante e Paranda di Bochincha 2016.
Mas di 75 truck, facilita dor di comercio, a participa na e evento e aña
aki. Esaki a kibra tur record. Minister Paul Croes cu su ekipo a percura
pa dos trekkers tambe cu a wordo patrocina dor di Fast Delivery p’asina
participa tambe na e tremendo causa aki.
Ya for di trempan e trekkers a keda dorna pa asina pasa rond den cay-
anan di Aruba y haci boroto cu e personanan special na Aruba.
“Ta un dia cu tur e personanan aki ta spera riba dj’e y pesey nos tambe
t’ey. Ta un momento cu nos comunidad mester apoya tambe, pasobra e
hendenan aki tin mesun derecho cu nos di ta contento”, asina Minister
Paul Croes a conclui bisando.
