Page 26 - AWEMAINTA

26 AWEMainta Diaranson, 30 November 2016

DESPA ta informa:

Update di

animalnan den

cuarentena

SERVICIO Veterinario di Departamento di Salud Publico ta
informa publico di un update di e animalnan cu a drente Aruba
ilegal dia 23 di october ultimo ainda nan ta den cuarentena.

Ta trata di 7 cacho, 2 macaco (pigmy marmoset), 2 toucan, 4
lora, 1 ocelot, 1 jaguarundi y 6 morcoi. Berdad ta cu 10 toucan
a drenta Aruba pero, considerando e condicion cu tur e animal-
nan tabata den estado di salud malo (malnutri y deshidrata) 8
di nan a fayece den menos di 48 ora.

Tur animal cu a drenta debil ta mehorando di salud, tur
tin acceso na cuido veterinario si den caso esaki ta nece-
sario. Ainda ta evaluando y studiando e forma pa manda
e cachonan bek pa Venezuela na un manera responsabel.

Importacion di cacho for di Venezuela ta prohibi dor cu Venezuela
tin caso di rabies y schroefworm. Solamente den caso di mudansa
por pidi pa haci un excepcion rib’e ley cumpliendo cu rekisitonan
estricto pa evita cu e malesanan contagioso aki drenta Aruba.

Tur otro animalnan cu ta den cuarentena ta proteha mundial-
mente pa e tratado di CITES.
Cu otro palabra aunke e prome opcion di ley ta pa manda nan
bek, tin mas opcion pa nan, cu no ta e caso pa e cachonan
confisca.

Servicio Veterinario ta keda duna informacion di bienestar di
e animalnan cu ta tarea prinicipal di Servicio Veterinario den
e caso aki.