Page 43 - AHATA

editor

POSTED ON DECEMBER 19, 2018, 9:48 PM
6 MINS
POST VIEWS: 10

ORANJESTAD, Aruba

Den cuadro di continuacion di tratamento di presupuesto 2019 den Parlamento, parlamentario

Daphne Lejuez a adresa algun punto importante durante e segundo tanda den direccion di minister
Dangui Oduber encarga cu Turismo, Salubridad y Deporte.

Na 2015, Parlamento a trata y pasa e ley di All-Inclusive na Parlamento, y durante su tratamento e
tempo ey, fraccion di MEP mes lo a pidi pa e famoso y ilusorio rapport di PWC na cual tabata referi
pa asina aki duna sosten na ponencianan pa e necesidad di e ley aki. “Ta puntra Minister, cu si awor

como mandatario den Turismo por a topa cu e rapport aki, y den caso cu tin e rapport aki, si por
comparti esaki cu parlamento y tambe kico ta Minister su maneho en cuanto All-Inclusive”,
parlamentario Lejuez a subraya.

Moratorio
Den cuadro di Moratorio pa hotel, parlamentario Lejuez a puntra Minister su opinion pa loke ta trata
introduccion di Moratorio a corto plaso, y cuanto proyecto hotelero ainda tin den pipeline mirando cu

lo a keda di haci un esfuerso pa reduci esakinan pa enfoca riba un maneho cu ta stimula calidad vs
cantidad. “Tin rumornan cu anexo na e area di Arashi tambe lo conoce un otro desaroyo hotelero, ta
pidi Minister pa confirma of desmenti e rumor aki”, parlamentario Lejuez a trece dilanti den

Parlamento. Den caso cu e no ta asina, cu lo tin un compromiso pa traha hotel adicional den e area
aki, con esaki ta cuadra cu un maneho di moratorio y unda e enfoke ta calidad y no cantidad, ya cu
sector mes a indica den un articulo recien cu ta conta cu ocupacion den 80 y pico porciento, segun

parlamentario Lejuez ta subraya. “Y cu esaki lo por wordo reduci, mirando e desaroyo den regio
unda cu lo bay habri mas camber y competi cu Aruba pa atrae mas turista?”, parlamentario Lejuez ta
puntra.

Tambe ta puntra ki analisis of estudio tin pa sostene decision pa expande mas camber si mira e