Page 44 - AHATA

rapport preliminar di ATA pa cu Carrying Capacity Report, unda cu expansion di camber den cierto
area y tipo di proyecto por hustamente contribui na consecuencia negativo socio-economico y lo por
sigui tira fuel riba problemanan social y economico?

Parlamentario Lejeuez: “Minister ta di opinion cu mester bin un balans entre e parti di beneficio
financiero vs e parti social, economico y medio ambiental?”

Maneho di AZV
AZV ta un organo cu como ‘ziektekosten verzekering’, pues seguro di costo medico, ta enfoca riba
costo di cuido enbes di stimula un bida saludabel y promove actividad di prevencion, cu lo por ta un

forma pa reduci e costonan di AZV cu tin un caracter di aumento structural desde su introduccion.
“Tambe tin e factor di envehecimento y aumento di condicionnan cronico di salud cu tin su efecto

riba e aumento di costo di AZV”, parlamentario Lejuez ta agrega. Mirando esaki, den cuadro di
maneho di Minister, parlamentario Lejuez ta puntra con ta bay percura pa e aumento structural den
costo di AZV wordo controla y haya un caracter mas sostenibel.

Preguntanan riba proyecto di Hospital

Pa loke ta trata e proyecto di renobacion y construccion di Dr. Horacio Oduber Hospital,
parlamentario Lejuez a bin cu algun pregunta. Entre otro ta puntra Minister si por splica ken tabata
responsabel pa selecta e compania cu a traha riba e proyecto aki. “Kico tabata e grado di experticio di

e compania cu a selecta pa e proyecto aki, pues cuanto hospital nan a traha prome cu e proyecto aki,
pa di e forma aki tambe por a alerta di adelanta riba cierto standard cu lo mester tene cuenta cu ne”,
segun parlamentario Lejuez ta subraya.

Un ehempel simpel ta cu por ehempel por a premira e necesidad di awa cayente den hospital enbes

cu awe e ta bira un gasto adicional. “Ken ta encarga pa financia e proyecto aki, y mirando e situacion
unda ta yegando na casi 110 miyon florin na gasto adicional pa por termina e proyecto aki, cu lo
causa cu na final di dia ta casi 1 biyon florin cu lo mester bay paga, incluyendo financiamento?”,
segun parlamentario Lejuez.

Lo por conclui e ora, cu cada florin extra cu ta bin acerca na gasto adicional lo tin cu wordo financia,

y como consecuencia, lo crea mas entrada na interes pa e compania cu ta financiando esaki? Por
ultimo, parlamentario Lejuez a conclui cu Minister a menciona cu AZV lo bay financia un
investigacion den e proyecto di hospital, pues ta puntra ki tempo por spera su inicio y cu e lo por