Page 47 - AHATA

puntra Tjon si ta steun e mocion, cual Tjon no a contesta. AVP no a contesta, POR no a

contesta. Parlamentario Croes a rabia y a dirigi su mes na MEP y a bisa pa no tira lodo

riba dje. Despues e no a bin bek.

Minister Lampe a bisa cu Croes tin griep of ta malo. Publico, henter Aruba por a mira cu

eynan tabata tin un impasse.

Como lider di fraccion di MEP, Rocco Tjon a splica cu tur ta di un partido politico, pero

na final di dia ta representa pais Aruba. Na e momento cu sr. Croes sinti su mes bon e lo

bin pa asumi su responsabilidad den parlamento.

Tjon no a sinti cu ningun di e palabranan tabata tir’a p’e. Cannabis medicinal no ta un
discusion. A amplia riba esaki extensamente durante diferente reunion.

E mocion cu Ricardo Croes a presenta, Tjon no a les’e y obviamente e no por sostene

algo cu e no a lesa. Si ta berdad cu tur e puntonan ta ancra den programa di gobernacion,

e ora sr. Croes no mester preocupa tampoco pasobra obviamente caba e sa cu partido
POR, RED y MEP ta sostene e programa di gobernacion.

Bo por interpret’e na diferente manera. Decriminilisacion di Cannabis por wordo

interpreta ampliamente. Una bes cu legalisa e uso medicinal, nos leynan no ta conoce

esey. Den nos landsverordening awor aki, Cannabis ta castigabel. Un aspecto asina cu un

embergadura asina grandi, tin un taskforce cu ta bezig ta studia tur aspecto di esaki, pero

tambe e manera con lo implimenta e uso medicinal na final di dia, tin asina hopi aspecto
cu mester tene cuenta na dje y esey ta e motibo tambe, dicon algo asina nunca no por bin

como un ley di iniciativa for di den Parlamento.