Page 10 - AVP

a23
bista politico Diabierna 14 Juni 2019
Plataforma Hobennan Profesional

Conmemoracion di 90

aniversario di Anne Frank

ORANJESTAD - Diaranson a tuma luga e conmemo-
racion di e natalicio di Anne Frank. Si e tabata na bida,
e lo a celebra 90 aña. Pero ken ta Anne Frank?

Anne Frank ta un mucha muhe di descendencia Hudiu,
kende a biba na Hulanda, pa ta specifico den Prinsengracht,
Amsterdam, durante segunda guera mundial. E ta yiu muhe
di Otto Frank, kende, contrario na henter su famia, su yiunan
y su casa, a keda na bida pa asina conta e storia di nan bida
durante y despues di e guera cu a marca bida di hopi hende.
Su buki Het Achterhuis, a bira un exito mundial, y traduci
den masha hopi idioma.
Anne Frank a fayece hunto cu su ruman muhe Margot, den e
campo di concentracion na Bergen-Belsen, Alemania na Feb-
ruari 1945.
Pa e motibo aki tambe plataforma hobennan profesional a
tuma e momento aki pa reflexiona y recorda tur loke Anne a
representa den e resistencia di e segunda guera Mundial.
Durante e ceremonia, varios orador a hiba palabra, entre otro
ex prome minister Mike Eman, Juan Manuel Kelly, Minorca
Martes y tambe cu oracion di rabino Mario Gurevich di Sina-
goga Beth Israel.
Sigur un atardi cu hopi reflexion mirando con mundo ta
awendia y sperando cu e mensahe cu Anne ta trece pa nos
mesun tempo, por causa e mesun impacto cu el a crea antes.