Page 9 - AVP

a21
bista politico Diabierna 14 Juni 2019
Parlamentario Endy Croes (MEP):

De Meza a desgracia nos finanzas publico pa falta di capacidad y awe

kier cuestiona nos Prome Minister?

ORANJESTAD - Parlamentario Endy Croes a reac-
ciona riba Mike de Meza riba algun declaracion cu el
a haci respecto nos prome minister. Manera parlamen-
tario Endy Croes a splica desde inicio manera el a dren-
ta parlamento cu e lo no laga nada pero nada for di sla
pasa y lo contraresta tur tipo di manipulacion primor-
dialmente di politiconan di AVP kendenan a desgracia
e pais aki social y financieramente creando un mega
debe.

Mike de Meza ta un ehempel bibo di un choller politico. E no
ta yega trabao nunca cu excepcion ora tin un reunion publico,
pero si ta cobra un salario ‘volle pond’ di pueblo di Aruba.
Pues e no tin cuero di cara y berguensa a caba pero ta sigui
abusa y ohala nos por logra cambia e ley aki pa ‘no work no
pay’ pa parlamentarionan abusado manera Mike de Meza y
otronan di AVP.

Mike de Meza kier ple sabi awor
Recientemente Mike de Meza a cuestiona minister president
Evelyn Wever Croes riba un declaracion cu a wordo duna den
exterior respecto cu Aruba lo ta cay poco pafo di e hurricane
belt. Mike de Meza awor kier bira meneer di school di aardri-
jkskunde? Mike de Meza a bin cu ful un splicacion cu Aruba
ta cay parti zuid di e hurricane belt y kier cuestiona minister
president riba esaki kende a expresa poco pafo di hurricane
belt. Esaki ta masha importante pa Mike de Meza kende no a
logra net net nada pa pais Aruba den 8 aña, a mas cu redobla
e debe y ta autor principal cu awe nos mester paga por ehem-
pel 232 miyon florin na interes. Mike de Meza nunca tabata
na altura cu Aruba tin un punto hopi positivo den wowo di
inversionistanan como cu efectonan di un hurricane ta masha
poco na Aruba? Cu papa Dios sigui spaar nos. Ta di gran balor
pa Mike de Meza cu mester bisa cu Aruba ta cay poco pazuid
di hurricane belt y no por bisa cu Aruba ta cay poco pafo di
hurricane belt? Nos tur a lesa y sa cu riba website ta para cu
dentro di 25 aña un tormenta tropical por pasa dentro di 75
miya nautico y cada 46 aña un horcan por pasa dentro di 75
miya nautico. Tur hende por subi y mira esey toch? Kico ta e
importancia pa Mike ple sabi awor? Tristo cu Aruba tabata tin
abo Mike como vice prome minister.

Wak den bo cura prome
No ta pornada hues a confirma den un sentencia cu por sigui
califica bo persona como lolo di awa esta un ‘waterlulletje’
cu ta djis un pisca, kisas e pisca si ta sabi. Bo ta corda con di-
lanti hues bo a admiti cu bo a faya y a gaña parlamento entre
entrada y ‘assets’ di Lotto? Bo ta corda cu bo a wordo husga
y sentencia pa esey? Awe abo kier bin lees de les voor con
nos prome minister mester splica algo cientifico? Bo no ta
compronde strategia tampoco Mike? Bo no sa cu den dicho
conferencia tin tambe varios compania di fortune 500 cu por
significa cosnan grandi pa Aruba? Pues bo reaccion yamando
nos prome minister pa bobo alrespecto si Aruba ta cay poco
pafo of pazuid di hurricane belt ta completamente for di con-
texto. Lo no ta miho bo splica pueblo con bo a masacra pueblo
cu bo decision di hedging cu a costa e pueblo aki mas di 300
miyon? No ta miho bo aclaria e desaster cu bo a causa mane-
hando finansas publico? No ta miho bo duna cuenta y splica-
cion dicon bo presupuestonan como minister di finansas na
aña 2011 tabata tin un deficit di 325 miyon, 2012 un deficit
di 443 miyon, na 2013 un deficit di 333 miyon, na 2014 un
deficit di 406 miyon florin cual a conduci na e KB? Pues net
abo kier bin cuestiona prome minister di Aruba? Wak den bo
cura prome cu bo expresa cualkier bobedad.

Croes ta termina bisando hendenan manera Mike de Meza
mester retira for di politica y nunca pero nunca mas bin bek
pa motibo di e dañonan grandi cu nan a ocasiona na nos pais.