Page 10 - KPA

Motorbrigade kier un trafico sigur pa e last lap di carnaval

Friday, 24 February 2017 08:51
Comparti

Robert Kock ta encarga pa dirigi e motorbrigade y a conta con prepara nan ta. Kier traha preventief den e
caso aki y ta manda un mensahe pa comunidad vooral pa esnan cu ta consumi alcohol. E ta conta cu si
mira siman pasa, tin hende cu no a comporta dje bon ey. Diasabra mainta, a haya 13 chauffeur bao di
influencia di alcohol.

E 13 hendenan aki a perde nan rijbewijs. Un di nan a subla hasta mil Ugl, cual ta 4 biahe e limite. Esey ta
bisa caba cu toch hendenan no ta capta e señal y nan ta bay haya problema grandi. Esaki ta costa hopi
placa y hopi dolor di cabes pa haya nan rijbewijs bek, depende cuando nan supla. E weekend aki
motorbrigade lo ta on, nan lo tin 12 motorrijder. Tin suficiente personal paden pa procesa e papeleo. En
total tin 20 hende cu ta concentra riba trafico, cual ta mas cu normal. Antes un motorrijder ta detene un
chauffeur bao di influencia di alcohol, e tin cu bay cun’e paden, e tin cu test’e, tur e proceso ey ta dura un
tiki, prome cu e motorrijder bin bek riba caya. Awor aki e ta detene, pone tur informacion den un
envelop. Transport ta bin, ta procesa tur cos paden y e motorrijder ta keda riba caminda pa mas
detencion, si ta necesario. Chauffeurnan na tino A topa hopi chauffeur na tino y na banda, tabata tin e
pasahero cansa y bebi. E chauffeur mes a supla 0 cual ta hopi bon. Esey ta e intencion. E intencion ta pa
mantene trafico sigur. Esey kiermen sin accident y si por esun grave sigur cu no. Esey no kier.