Page 12 - KPA

NOTICIA DI POLIS : Polis

a topa hobennan cu

klem mey mey di pia

Published on February 24, 2017 in Policial
ORANJESTAD, Aruba

Diaranson, pa mas of menos 11’or y 45 di mainta, polis a wordo poni na altura door di
un chauffeur di taxi, cu e la mira dos hoben ta haciendo algo na un auto den Werfstraat.
Dilanti di ex Aruba Crystal Ice company, polis a mira e hobennan sinta abao na banda
drechi di e auto Nissan, Tino, cu un klem kibra di Aruparking entre nan pia. E dos
sospechosonan cu despues a resulta di ta SEH y VLL a wordo deteni pa destruccion

Ciudadanonan di edad

tin problema cu bestia

Published on February 24, 2017 in Policial
ORANJESTAD, Aruba

Diaranson, pa mas of menos 11’or y 55 di mainta, e dama MCCJ a presenta na warda
pa un intermediacion. El a declara cu e ta biba na un adres den Mons. Nieuwindstraat y
cu e tin molester di comehein y tur sorto di bestia, cu ta bin di un cas bashi situa banda
pariba di su cas. Su casa y e mes ta hendenan grandi y hasta su casa ta ciego. Nan no
por habri nan bentana di cas mirando e situacion di bestia. Nan mester laga spuit nan
cura varios biaha pa combati e bestianan. E kier pa polis papia cu e persona
responsabel pa e cas, pa asina haci algo. Den cuadro di esaki, a bay papia cu e dama
JCH. E dama aki a bisa polis cu berdad e ta responsabel pa e cas bashi y cu e ta
wardando decision di hues, pa asina e por bende e cas. E la wordo poni na altura di e
molester cu e cas aki ta ausando pa e habitantenan. E dama JCH a bisa cu e no lo bay
haci nada te ora cu e haya decision di hues. JCH a keda fresco cu polis y a bisanan pa
nan no mete den asuntonan di otro hende. E no a mustra ningun clase di interes.
Mirando e situacion cu ta andando pa un tempo largo, e caso aki lo wordo pasa pa polis
di bario. Central a wordo poni na altura