Page 11 - KPA

Riba 50 chauffeur deteni durante temporada di carnaval y
como 30 a perde rijbewijs

Friday, 24 February 2017 08:54
Comparti

Motorbrigade ta constant bezig durante fin di siman. Polis encarga cu e departamento Motoriza, Robert
Kock a splica cu diasabra mainta, durante Jouvert, a tene 13 persona cu a core auto bao di influencia di
alcohol. Di e 13nan ey, 5 nan rijbewijs a keda aden. Si ta bon, nan no tin nan rijbewijs, dus nan no mag di
core auto.

Apart cu nan lo bay haya boet mas halto mes. Pa diasabra durante Lighting parade, a detene 4 persona. A
laga e mensahe di ora bo ta core, no bebe, a yega toch cu a para basta auto y mayoria di nan no tabata
bebi. Si esun na banda si y tambe esnan sinta patras. Diadomingo tabata tin 12 detencion cu hendenan ta
core bao di influencia di alcohol. Di eseynan tambe, nan a supla halto. 6 di nan e rijbewijs a keda aden. Si
bay resumi awor aki for di fakkel, tin riba 50 detencion di hendenan cu ta core bao di influencia di
alcohol. Mas cu mita, casi 30 nan rijbewijs a keda aden. Apart cu nan ta bay haya un boet tambe
haltisimo. Diasabra mainta 13, diasabra anochi 4 y diadomingo 12, cu ta haci un total di 27 persona pa e
weekend aki so. Kock a sigui relata cu ora cu detene e personanan bao di influecia, nan ta purba di
convence e polis pa lage bay. Sinembargo durante e proceso nan ta supla haltisimo. Na prome instante
nan ta rabia un tiki y mira cu na final e proceso ta cana bon, nan ta realisa cu loke nan haci no ta bon. E
cliente frecuente, polis no ta haya hopi mas. Pero un cos si, hendenan ta birando mas conciente. Pero
ideal lo ta cu no tin ningun detencion mes, pa chauffeurnan cu ta core bao di influencia di alcohol. Fin di
siman activo Diabierna, diasabra y diadomingo lo tin actividad y miles di hende riba pia. Robert Kock a
splica cu tin suficiente hende e fin di siman aki pa haci e trabao.

Tin suficiente hende pa procesa e trabao, pues nan ta bon prepara. Toch ta keda trece dilanti, cu si bo ta
bay core auto, no bebe at all. No take chance, pasobra e lo costabo hopi placa y hopi dolor di cabes.
Conseho ta, pa no bebe at all. Si bo ta stuur, miho bay cu un hende pa despues core pabo. Bo por wordo
gara, pasobra polis lo ta tur caminda. Tin un plan caba y strategicamente nan lo tey tur caminda. Nan no
lo bay ta cerca di e ruta, nan lo ta para na luganan pafo di e ruta. Si ta San Nicolas, ta coy e camindanan
cu ta bay un tiki leu. Despues di carnaval e trafico ta tiki druk. Nan lo bay den e kringnan mas chikito.
Tin tur e camindanan gedek. Lo bay controla tur caminda. Si coy caminda patras, Spaans Lagoen, por
ehempel lo bay tin motorrijder tur caminda para strategicamente. Transportwagen tambe lo bay tey. En
fin tur cos ta regla caba. Tin suficiente hende in place y nan ta cla pa e weekend.