Page 25 - FDLP

ORANJESTAD (AAN)- Diabierna ultimo den presencia di directiva di AVB y fanaticadonan
di futbol, Minister di Deporte Sr. Dangui Oduber a efectua e apertura di e Campeonato

Division Honor 2018/2019 den Compleho Deportivo Guillermo Trinidad.

E campeonato aki ta wordo dedica na dos baluarte Arubiano cu ta Sr. Fenchi Dubero y
Sr. Fico Vrolijk kendenan tambe a ricibi un reconocimento.

Adhunto por lesa biografia di e dos gran deportistanan aki.

Biografia

Fenchi Dubero

Na un edad hoben Fenchi a cuminsa hunga den e team di Junioren di Estrella y nan a
titula campeon for di 1957 te cu 1959 den forma invicto. Despues Fenchi a pasa hunga

den Hoofdklasse pa e team grandi di Estrella y a hunga te cu 1981. Durante e periodo
aki Fenchi a titula 3 biaha campeon y 9 biaha subcampeon di Aruba. Cu Estrella Fenchi
a hunga den 11 Copa Antiyano y na 1968 y 1969 Estrella a titula subcampeon y na

1970 Estrella a bira e di dos club di Aruba pa gana e Copa Antiyano. Na 1972 Fenchi a
hunga pa Estrella den e Campeonato de Campeones di Concacaf na Guatemala.

Na 1965 Fenchi a cuminsa hunga den e seleccionnan di Aruba y tambe di Antiyas
Hulandes. E mesun aña aki el a hunga pa e seleccion di Antiyas na Guatemala den e

campeonato Centro Americano y di Caribe di Futbol. Na 1966 el a gana medaya di plata
cu e seleccion Antiyano cu a keda na di dos luga den e Weganan Centro Americano y di
Caribe na Puerto Rico.

Na 1967 Fenchi a hunga cu Antiyas na Jamaica weganan eliminatorio di Concacaf y e
siguiente aña contra Surinam y El Salvador pa e campeonato mundial di Mexico. Na