Page 27 - FDLP

Durante cu e periodo cu e tawata hungador e tawata tambe varios aña miembro di
directiva di Universal, prome como segundo secretario, despues como secretario y por
ultimo a fungi un aña como presidente.

Durante cu e tawata hunga y despues cu el a stop, como hobby e tawata gusta tene
estadisticanan, no solamente di nos futbol sino tambe di futbol mundial, por ehemplo
ekiponan campeon, weganan di seleccion, campeonatonan mundial di futbol etc.

Na cabamento di añanan 90 el a mira den internet un website cu tawata mantene un
databank di futbol di un cantidad grandi di pais na mundo pero Aruba su nomber si no
tawata tei.

E ora ey el a dicidi di bishita regularmente nos Biblioteca pa coba den e corantnan di
antes y ora cu e tin suficiente informacion e lo bira miembro y pone esakinan den e
databank mundial pa futbol. Despues di un par di aña, un dia na trabou el a topa cu e
presidente di A.V.B. Sr. Nilo Croes y a contele di su projecto.

Aki Sr. Nilo Croes a bis’e cu ta miho pa e skirbi un buki. For di aki el a tuma e reto, cu
no tawata nada facil, pa skirbi e historia “rico” di nos futbol. Aki el a sigui bishita nos
Biblioteca pa sigui acumula mas informacion cu e intencion pa e buki keda cla na 2009

ora cu e deporte di futbol cumpli 100 aña cu el a wordo introduci na nos isla.

Pero como cu tawata falta informacion di weganan cu nos seleccion y ekiponan a hunga
na por ehemplo Surinam, Trinidad, etc. y tambe cu e buki lo bira a demasiado diki y

pisa el a dicidi, y tambe riba conseho di otronan pa skirbi e buki den dos parti, esta e
prome parti di 1909 pa 1959 y di dos parti di 1960 pa dilanti.

https://www.diario.aw/2018/10/campeonato-di-futbol-division-honor-dedica-

na-fenchi-dubero-y-fico-vrolijk/