Page 26 - FDLP

1970 el a bolbe gana medaya di plata cu Antiyas na e Weganan Centro Americano y di
Caribe cu a tuma luga na Panama. Mas despues el a bay Surinam cu e seleccion di
Antiyas pa hunga den e torneo 50 aña di Surinaamse Voetbal Bond.

Na 1972 el a hunga pa e seleccion di Aruba den e torneo 40 aña di Arubaanse Voetbal
Bond contra e dos clubnan di Colombia, esta Millionarios y Deportivo Magdalena. Hasta
el a haya oferta pa bira profesional cerca Millonarios pero e no a accepta.

Na 1976 el a hunga cu e seleccion Antiyano contra e seleccion Hubenil di Costa Rica cu
a bishita nos isla y mas despues contra Haiti weganan eliminatorio pa e mundial
Argentina 1978.

Dia 7 di juli 1981, despues di 23 aña, Fenchi a hunga su ultimo wega di campeonato pa
Estrella contra Bubali pasobra e mester a biaha pa Hulanda en conexion cu su trabou.
Asina el a cera su carera briyante como un futbolista ehemplar cu nunca a yega di haya
un carchi geel of corra riba tereno di futbol.

Mas despues cu el a bolbe nos isla el a bira pa 8 aña largo entrenador di Estrella y a
logra tambe un par di titulo di campeon.

Biografia

Fico Vrolijk

Fico for di mucha a lanta den e deporte di futbol na school y ora cu e tawata tin 13 aña
na 1958 e tambe tawata un di e fundadornan di e club di futbol Universal di Pos Chikito.
E siguiente aña hungando rechtshalf ya e tawata un di e hungadornan estelar den B-
Klasse pa e club aki.

Na 1962 Universal a titula campeon y a promove pa hunga e siguiente aña den A-
Klasse. Den e clase aki el a hunga for 1963 te cu 1972 ora cu Universal a bolbe degrada
pa B-Klasse cu despues a bira e Division di Distrito. Den e division aki el a hunga te cu

1976 y despues di campeonato a dicidi di colga su sapatonan di bala.