Page 86 - AHATA

Retiro Di Randall Croes Di KVK A Crea Hopi Sorpresa

 Local
- 29/09/2019

E hecho cu Randall Croes no tabata presente na e Business Event di Kamer van
Koophandel diabierna anochi a causa hopi pregunta. Despues a cuminsa core e info cu el
a tuma su retiro.

Randall Croes tabata hopi envolvi den preparacion di e evento aki, pero tambe tabata un
bos fuerte di comerciantenan den conferencianan relaciona cu e asunto di BBO cu
Gobierno a ordena pa kita for di recibonan. Y hustamente parce esey tabata e causa tambe
di su retiro.

Diabierna ultimo tabatin un conferencia di prensa di Comerciantenan Uni, unda nan a
expresa nan malcontento pa e forma cu Gobierno a dicidi di adapta e tema di BBO riba
factura. Den e conferencia di prensa tabata representante di AGA Jan van Nes y e dos
comerciantenan Frans Ponson y Francis Saladin, kendenan tabata hopi fuerte den nan
ponencia, pero cual no por a sinti for di Presidente di Camara di Comercio Kamish
Misier.

Misier den e conferencia a bisa e motibo pa kico comerciantenan no ta di acuerdo pa
hinca BBO, BAZV y BAVP den e prijs. Hustamente pa kita hopi confusion den e
reunionnan cu nan tabatin cu Minister encarga cu Finanza, algun solucion simpel cu por
wordo aplica.

El a splica cu a conseha Gobierno di dos cambio chikito cu mester haci den e ley, bisando
cu ta cobra 6.0% na BBO y cu no ta cobra dobel BBO, esaki Kawish Misier, presidente di
Camara di Comercio a bisa den e conferencia aki.