Page 87 - AHATA

KvK a bisa cu nan ta desapunta cu Minister a indica cu gobierno no ta comparti e punto
di bista di KvK y no ta sigui e conseho di KvK y comercio. Den un reunion entre KvK y
gobierno a splica hopi riba e consecuencia y con e decision aki ta afecta tur e
comerciantenan. KvK ta representa tur negoshinan registra y nan a expresa nan decepcion
ora cu a tuma nota di e anuncio di Minister.

Despues di e conferencia, KVK a manda un declaracion hopi cortico y superficial pa
prensa cu ta bisa: “Nos tabata bou e impresion cu nan a scucha nos. Pero antayera nos a
haya un carta den cual nan ta bisa nos cu restaurantnan of esnan cu tin flyers of menu no
mester cambia esaki. Pero e ley no a cambia,” Misier a bisa. Nan a bisa cu solamente na
supermercadonan e prijs cu ta riba shelf mester ta prijs cu ta haya riba e factura final. Y
esaki no ta conta pa restaurantnan cu mester pone un sticker riba e menu cu e prijs ta
exclui BBO. Camara di Comercio ta conseha comerciantenan pa busca conseho cerca nan
accountant of abogado. Loke cu e Minister a bisa recientemente of e carta cu el a manda,
ta contra e ley. Pero verbalmente e Minister a bisa algo tambe cu ta contra ley.

Tanto van Nes como e otronan tambe a expresa cu loke Gobierno a anuncia
recientemente ainda no ta cumpli cu e deseo di comerciantenan. Ta p’esey a duna un
conseho di kico ta e miho forma pa haci cambio sin cu ta kibra of ta viola ley

Pero e press release cu a manda a haya un “reply” di Croes, kende a bisa e no a keda
contento cu e press release pasobra “e comerciantenan ta spera mas splicacion pakico
eigenlijk nos ta desapunta”.

Segun por a compronde, tabatin mas hende di KVK cu no tabata di acuerdo cu e forma
con e Presidente di Kamer van Koophandel a atende e asunto aki, mustrando un
debilidad.