Page 78 - WEB

SIWA ta para banda di pueblo, y como tal no por bay sin mas pa aumenta tarifa di awa y
coriente. E director(nan) mester studia tur alternativa, prome cu bin cu un proposicion pa
aumenta prijs di awa y coriente, segun Erick Henriquez.

Scenarionan mester ta poni riba mesa, pa tur stakeholder discuti, demostrando
transpariencia, pa despues tur hende ta sostene un posible aumento di tarifa di awa y
coriente.

Encuanto e hecho cu Prome Minister Evelyn Wever Croes a manda WEB Aruba N.V.
bay baha gasto prome, Erick Henriquez ta sostene esey tambe, alegando cu nan di WEB
Aruba N.V. tambe mester cuminsa na mara faha, prome di bay tuma medida riba pueblo,
pasobra un aumento di awa y coriente, ta un medida riba pueblo.

Ni si kita tur beneficio di e trahadornan, manera kita nan bonus, etc., WEB Aruba N.V. lo
keda core den cora. Esey lo no yuda.

Pero gerencia no por sigui core den autonan di luho, no sigui atende proyectonan
fantasma.

E problema ta, cu awor no a hedge, di acuerdo cu deseo di Gobierno actual. Esaki t’e
consecuencia awe, segun Presidente di SIWA. Stop cu speculacion pasobra esey no ta
yuda WEB cu nada, mientras cu prijs di crudo si ta sigui subi.

P.e. tin un comision di energia, pero si e comision aki ta funciona, Presidente di SIWA no
por bisa, pasobra nan tampoco lo ta na altura di deseo di WEB Aruba N.V.

P.e. e asunto di huma di WEB Aruba N.V. cu lo ta dañino pa un grupo di trahador di
ASTEC, Aduana, APA y un grupo di truck-driver, pero na opinion di SIWA for di e
momento ey, Gobierno mester a organisa un reunion cu tur stakeholder, cu
Parlamentarionan y hasta cu prensa, pa pidi splicacion di gerencia di WEB Aruba N.V.
pa sa kico ta pasando, y asina bira un discusion publico, y hasta pidi pa prensa ta
presente. No por sigui tira otro cu lodo y asina nunca nos por keda cla.