Page 80 - WEB

Maneho Energetico Ta Ausente Den Gobierno

 Local
- 05/08/2018

No tin un maneho energetico. Gobierno no ta duna informacion di loke ta pasando.
Tabatin practicamente un acuerdo cla cu GasUnie, y no kier ni sinta na mesa cu e
compania Hulandes aki. Esaki ta puntonan cu Parlamentario Mike de Meza (AVP) a trece
dilanti den un declaracion cu el a duna siman pasa. De Meza tabata e Minister encarga cu
asuntonan di refineria y Asuntonan di Energia.

“Nos ta mira actualmente un maneho energetico ausente den e Gobernacion nobo,” ta e
prome punto cu el a trece dilanti den su declaracion.

Un di e aspectonan cu de Meza a cuestiona ta con Gobierno mes no sa kico nan kier haci
cu e sistema di hedging, ya cu despues di a critica esaki fuertemente den pasado, a drenta
Gobierno, a kit’e, a pone y a bolbe kite. Esaki, el a bisa, ta muestra cu no tin maneho
energetico.

Na AWEMainta a wordo splica cu e sistema di hedging ta wordo uza pa reduci e
riesgonan y cu hopi compania ta uza hedging pa reduci e nivel di riesgo den sectornan
importante di nan operacion, y den e caso di WEB ta e prijs di combustibel cu ta depende
di mercado internacional.

Den e declaracion cu de Meza a duna, el a cuestiona cu pa hopi luna caba nan ta
puntrando Gobierno pa su maneho energetico pasobra nan a tuma nota cu na momento cu
e Gobierno aki a tuma mando, a tuma decision pa stop por ehempel e mesun hedging cu
semper nan a cuestiona. Den 2 luna di tempo e mesun Gobierno a duna instruccion pa
bay hedge atrobe y despues di tres luna a tuma decision atrobe pa stop e hedging. Un di e
efectonan cu na momento cu nan a para e hedging tabatin como consecuencia ta cu e
tarifa di awa y coriente no por bay keda stabiel. E lo bay na e sistema di antes unda cu
continuamente e prijs ta cambia localmente. AVP den bista di esaki a bisa recientemente