Page 81 - WEB

e ausencia di hedging y e hecho cu ta bay cumpra un fuel oil di mas calidad pa wordo uza
na WEB pa preveni, den nan bista, e efecto di emision cu ta stroba e operacion na APA,
sigur tin efecto riba e costonan di produccion.

E exmandatario a bisa cu contrario na e actual Gobierno, tempo di e Gobernacion di AVP
a drenta Gobierno y a bisa cu pa e parti energetico, mirando e direccion cu mundo ta
bayendo, lo mester haci cierto cambionan. E tabata un plan total di dos componente
consistiendo di “demand” y “supply”. E “supply” ta e produccion di e energia y awa
potabel. A dicidi di haci diferente cos y un ta sigui upgrade e operacion di WEB for di e
sistema convencional pa bay na sistemanan hopi mas eficiente, manera e recip engine y
seawater reverse osmosis cu a pone tambe cu na aña 2012 por a baha e prijs di awa cu
33% y prijs di coriente cu 16%. Mientras ta haci esey, cambiando e sistema, bo ta traha
riba e pakete pa bay den direccion di energia alternativa. E solo y biento tin energia cu
por wordo converti pa produci awa potabel y energia electrico. “Esey nos a haci y a traha
diferente proyecto,” de Meza a splica.

https://awemainta.com/maneho-energetico-ta-ausente-den-gobierno/