Page 39 - Djarason 21 november 2018.pdf

Djarason 21 Novèmber 2018 39

Kontinuashon di pagina 2
InterCaribbean Airways
di e akshonnan di
InselAir i gobièrnu di Kòrsou
ta mantené derechonan
di representashon di 51
porshento di akshonnan, e
asina yamá ‘vruchtgebruik’.
E proseso ku lo sigui
ta ku e “bewindvoerder”
òf “curator” lo entregá un
proposishon di pago di e
debenan na hues, kua lo ta
disponibel pa e kreditornan
basá riba kual 4 desèmber
nan lo mester bai di akuerdo
kuné òf rechasé. Si esaki
keda rechasá, InselAir lo
keda deklará bankarota.
Si esaki keda aseptá,
InterCaribbean Airlines lo
tin e tarea pa garantisá e
kontinuidat di InselAir i
sigui desaroyá InselAir dor
di pone kapital i avionnan
disponibel.
InterCaribbean Airways
ta un kompania establesé na
Turks and Caicos Islands, ya
pa 26 aña i tin mas ku 20
avion.
Nan ta sirbi 22
destinashon den Caribe.
Pa e operashon na Kòrsou
InterCaribbean Airways lo
amplia e flote ku avion tipo
‘propeller EMB120’ ku 30
stul, i avion tipo djèt ER145
ku 50 stul.
Minister Steven Martina
ta satisfecho i por bisa ku
e proseso ta hopi avansá,
pero falta ainda e proseso
pa e kreditornan bai di
akuerdo ku e proposishon.
Esei lo mester kulminá ku
un desishon 4 di desèmber
2018.
Djaweps den e rueda di
prensa semanal di gobièrnu,
lo elaborá mas en ekstenso
riba e akuerdo ku a keda
firmá i su kontenido.
Kontinuashon di pagina 7
Kambio di klima no por
pais a bai di akuerdo ku
e pensamentu ku Bolivia
a presentá pa e korte en
kuestion bira realidat.
Ironia ta ku un di e
paisnan mas industrialisá
i poderoso na mundu i
ku hopi biaha ta nan ta
hasi nan mes kulpabel na
tacha medio ambiente,
a bai kontra di korte
Internashonal.
Esaki a pone ku e korte
en kuestion no a bira un
realidat ainda, pero e
otro paisnan a indiká ku
nan lo sigui traha riba e
partikularidat aki pa e korte
bin.
Si no atendé e situashon
aki ta meskos ku ta laga
un “atombòm” sigui tik,
miéntras ku niun hende no
sa ki ora esaki ta bula.