Page 4 - AAA JAN 24

Frederick Nuboer : Mi tin

tur confiansa den e team

di maneho nobo di

InselAir Aruba

Published on January 24, 2017 in Local/SPLASH
ORANJESTAD, Aruba

For di juni 2011 Frederick Nuboer ta Chief Executive officer di InselAir. Actualmente e
compania for di varios luna caba ta den reorganisacion. Tambe ta conoci cu InselAir a
pasa den retonan grandi unda cu tabatin caida di e vuelonan di Venezuela unda cu a
pone e compania cuminsa busca solucionnan pa baha gasto. Un di e decisionnan cu a
cay ta pa baha gasto den esnan cu ta den e maneho di InselAir y pa e motibo aki mes
Frederick Nuboer a tuma e decision di pone su posicion disponibel na e doño nan di e
compania, asina cu esaki a keda conoci a yega na un mutuo entendimento pa laga e
compania y asina pasa e encargo na Stephan van Spaandonk cu actualmente ta Chief
Maintenance Officer di InselAir.

E compania semper a keda maneha dor di un team y Stephan van Spaandonk tambe ta
forma parti di e team aki for di basta tempo, segun Nuboer e tin tur confiansa cu e ta
laga e maneho den bon man cu e managment cu tin actualmente. E team aki lo mester
percura pa baha mas gasto cu tin. E compania a cuminsa despedi for di luna di
augustus te cu awor di varios coleganan y no a busca personal nobo. Nuboer ta laga e
compania den un posicion cu tin plannan riba mesa di kico lo bay sosode den futuro y
na unda nan lo kier wak e compania aki den algun luna y ta sigur cu lo por sali di e
retonan cu tin dilanti di e compania na e momentonan aki.

Tin diferente pasonan cu ya caba a tuma unda cu a cera diferente rutanan cu no tabata
produci manera mester ta. E rutanan cu InselAir lo keda cu nan na e momentonan aki
ta sali di Aruba ta St Domingo, St Maarten y San juan bin bek Aruba. Tin mas rutanan
cu InselAir ta bulando actualmente, pero cu no ta haci promocion mas, debi cu aki
algun luna no lo bula nan mas, e compania lo percura pa cumpli cu e clientenan cu ya
caba a cumpra ticket, pero na momento cu esaki caba lo no crea mas vuelo pa e otro
destinacionnan. Esaki ta conta solamente pa InselAir Aruba , pero InselAir Curacao y
internacional si ta bula hopi mas otro vuelonan. Pa loke ta trata vuelonan cu ta Sali di
Aruba pa Curaçao y Boneiro ta opera dor di Insel Air Curaçao y esakinan ta keda
normal.