Page 6 - AAA JAN 24
P. 6
Prome di Februari
Stephan van Spaandonk
lo tuma mando na
InselAir Aruba
Published on January 24, 2017 in Local
ORANJESTAD, Aruba
Prome di Februari oficialmente Stephan van Spaandonk lo bira Chief Executive Officier
di InselAir Aruba. For di algun aña caba Spaandonk ta forma parti di e team di InselAir y
e ultimo 5 añanan ta forma parti di e Famia di InselAir Aruba. Aunke cu tin diferente
retonan dilanti poni e compania ta sigur cu nan lo sali for di e situacion cu nan ta
actualmente. Segun Stephan van Spaandonk e situacion aki a keda crea dor di e
situacion na Venezuela, pero cu InselAir a regla e parti ey mesora dor di corta e rutanan
di Venezuela.
Na e momentonan aki e compania ta den un reorganisacion cu ta encera cu mester a
corta tur e rutanan cu no ta genera placa y enfoca riba e rutanan cu tin futuro pa un
periodo di 6 luna. Despues cu e temporada nobo drenta lo evalua ki ruta InselAir lo
tuma bek, esaki den e investigacion lo determina. Segun Stephan van Spaandonk los di
e parti aki InselAir ta mira cu tin un mercado pa charter na Aruba. Te na e momentonan
aki tin hopi situacion cu ainda mester evalua y hunto cu e team di maneho lo traha y
sigui hiba InselAir Aruba padilanti y sali for di e problemanan cu tin actualmente.
Stephan van Spaandonk ta gradici Frederick Nuboer pa tur e aña nan den e famia di
InselAir y ta desea Nuboer tur clase di exito cu su reto nobo.
