Page 5 - AAA JAN 24

Baha frecuencia di

vuelonan tabata un

strategia pa por a

stabilisa y cumpli mas

cu e orario di vuelo

Published on January 24, 2017 in Local
ORANJESTAD, Aruba

Actualmente InselAir Aruba tin 7 avion nos cliente ta InselAir Internacional, banda di e 7
avionnan InselAir Internacional tin dos Fokker 50 y tur ta keda lease na nan y esaki ta
pone cu InselAruba ta percura pa cubri mayoria di e rutanan pa nan.

Segun Ludwig Hermans cu ta Chief Operations Officer di InselAir Aruba cu na momento
cu un di e ekiponan aki mester cay afo ta haya un situacion cu un avion mas grandi tin
cu bay biaha pa esun mas chikito y esey ta rekeri mas personal.

Tur e factornan aki ta haci hopi biaha cu e avion tin un retraso, pero maneho a dicidi di
baha e frecuencia di vuelonan pa 2 y 4 siman cu por stabilisa y asina por cumpli mas cu
e orario mirando cu mester tin un backup poni na momento cu su algo presenta cu e
otro ekiponan.

Tambe InselAir a pasa den e situacion cu tabatin diferente trahado cu kier a bay corte,
pero esaki a keda soluciona internamente unda cu pa fin di e luna aki e plan ta pa keda
cla. E parti mas cu InselAir a haya presion ta e vuelonan entre e islanan ABC, pero cu e
diferente cambionan cu a logra haci por bisa cu actualmente ta canando miho, segun
Ludwig Hermans.