Page 27 - HOH

ORANJESTAD (AAN): Azriah Palm di Fundacion CVA Aruba a duna di conoce cu
mirando cu vakantie a caba y cu scol a cuminza nan a dicidi di tene nan chekeo cual ta
conoci den comunidad.

E biaha aki ta bay cuminza na Club San Martin na Santa Cruz. Esaki ta tuma lugar
diasabra awor 7 di September di 8 am pa 12 pm.

Ta bay haci diferente test cu presencia di algun instancia presente manera Stichting

BOB. Hende muhernan cu kier haci un cita pa controla nan pecho por haci cita eynan.

Tambe ta bay tin One Touch Response, Aruba Vision Center pa haci test di bista. Ta bay
check presion, sucu, colesterol entre otro.

Esnan interesa por presenta na ayuna. Si bo bebe remedi pa presion, no keda sin bebe
esaki, Palm a indica.

El a sigui bisa cu nan ta focus tambe ariba mucha. Malesa no ta conoce edad y edad cu
hende ta hayando malesa ta bahando.

“Nos ta haci nos trabao, pero nos ta haci pa e comunidad por acudi tambe. E no ta

costa bo nada. Nos como fundacion ta djis pidi un contribucion pa cu e gastonan cu nos
tin (…) Te cu awo resultado positivo so nos ta haya y e elogio tambe cu nos ta haya di e
hendenan cu ta atende e chekeonan cu nos ta organiza”, Palm a expresa.

Na October un otro chekeo di salud lo tuma lugar pero awor nan ta cuminza cu esun na
Santa Cruz.

Azriah Palm a sigui bisa cu lo ta ideal si por cuminza atende cu e problemanan di salud

na scolnan basico y bin cu programanan di concientizacion. Por ripara cu basta hende ta
haciendo basta actividad fisico. Atardi Linear Park ta hopi yen locual ta di aplaudi. E ta
spera cu den futuro lo por wak un cambio den loke ta e malesanan cardiovascular y
otro malesanan con e ta bahando.

https://www.diario.aw/2019/09/fundacion-cva-aruba-tin-chekeo-di-salud-diasabra-awor-na-club-san-
martin/