Page 29 - HOH

Papiando cu e profesionalnan di e area aki por bisa cu enfoke pa cu e hobennan ta riba
problema pa falta di atencion, autismo, ADHD, depresion, trastornonan cu tin di haber cu
miedo, problemanan den famia y problema di conducta. Tur esaki ta relata n’e sistema di
famia cu un mucha ta lanta aden.

E profesionalnan a splica tambe con nan ta mira e situacion na Aruba unda cu tin un lista
di espera pa adultonan di mas o menos 8 siman y pa mucha 36 siman, cual ta demasiado
largo.

Pa tal motibo ta hopi bon pa Respaldo wordo sosteni p’e Fondo di Social Crisis Plan pa
por yega na mas psikiatranan pa mucha y hobennan pa atende e casonan aki.

Marisol Lopez-Tromp ta bisa cu di e datonan ricibi por wak cu aproximadamente 40% di
nos comunidad ta haya problema psico-social den nan bida, 20% ta haya nan mes
confronta cu problemanan di salud mental y na 2018 solamente 4% a haya ayudo
profesional.

Tambe a keda presenta cu 2 di cada 5 hende riba nos pais ta desaroya un problema den e
area di salud mental y por toca na cualkier famia y p’esaki ta importante pa duna e topico
aki su debido atencion.

Si un persona sufri di cualkier problema di salud mental e tin efecto no solamente riba su
mes, pero p.e. tambe riba su trabou, riba su famia y hasta e por bira un peliger pa
comunidad of pa su mes.

Finalisando, Lopez-Tromp, den nomber di e Comision Fiho a bisa cu e bishita aki tabata
uno hopi orientativo cu hopi dato y den e tempo nos dilanti lo bay tene cuenta cu e
importancia tambe di e fundacion aki ora trata presupuesto.