Page 28 - HOH

Marisol Lopez-Tromp A Comenta Riba Bishita Na

Respaldo Tabata Uno Hopi Orientativo Unda A

Resalta E Importancia Di E Fundacion

 Politica
- 05/09/2019

Diamars atardi lider di fraccion di POR, drs. Marisol Lopez-Tromp den su calidad di
Presidente di Comision Fiho di Parlamento pa Asunto Social, Cuido pa nos Grandinan,
Famia y Salubridad Publico, hunto cu e demas miembronan di e comision, a haci un
bishita na Respaldo cu t’e Fundacion Salud Mental Aruba.

Lopez-Tromp a indica cu a haya hopi splicacion y contenido for di e fundacion unda cu
no solamente a haya un recorido den e diferente edificionan, pero tambe a wak con e
trabou ta bay y tambe a papia cu diferente profesional, manera e.o. esnan cu ta traha n’e
parti di psikiatria di mucha y hoben, cu diferente psikiatra y cu esnan cu ta den e directiva
di Respaldo.

Presidente di e Comision Fiho a considera e reunion aki uno hopi interesante y
importante teniendo na cuenta cu Respaldo ta un di e fundacionnan cu ta traha hopi duro
pa loke t’e parti di salud mental na Aruba y nan tambe lo ricibi un suma di e Social Crisis
Plan p’e trabou cu nan ta haciendo dirigi muy en particular riba nos mucha y hobennan.