Page 12 - bon-dia-aruba-20181013

a12 riba caya
Diasabra 13 OctOber 2018

Auto cu full famia aden a accidenta na crusada di Alhambra

PALM BEACH - Na e crusada banda di Alhambra dia-
bierna atardi a sosode un accidente basta fuerte entre
dos auto.

Polisnan a yega di biaha na e sitio y a solicita ambulance debi
cu tabata tin mas cu un persona herida. Te hasta un baby taba-
ta tin envolvi den e accidente. Ta trata di un Hyundai Accent
cu famia completo aden y baby a subi e crusada dal den un
Honda CRV cu tabata bayendo direccion pariba. Daño tabata
basta na e vehiculonan. Paramediconan di ambulance tabata
presente pa atende cu tur hende.

Kia Rio a dal den un Toyota Hilux na Pos Abou

ORANJESTAD - Diabierna den careda di 1:45 atardi
riba e caminda di Pos Abou na e t-weg cu Caya Musica
a sosode un accidente unda chauffeur den un Kia Rio a
subi caminda y dal den un pickup Toyota Hilux.

E impacto tabata fuerte cu a laga ambos auto kibra pero nin-
gun persona herida. Polis di trafico a keda solicita y tambe
roadservice. Ainda pa 3:30 e autonan tabata riba caminda, debi
cu e takelwagennan a tarda pa yega, cual a haci cu e trafico a
keda congestiona na varios ocasion.

Chauffeur a bula greppel dal den cura di cas y bay laga auto atras

TANKI FLIP - Diabierna mainta habitante na Tanki
Flip ta sali for di su cas y topa cu un auto pega riba e
cura di cas.

Polis di trafico a presenta y a topa cu e Nissan Tiida cu a bula
e greppel over y bay cay otro banda, dal riba e cura di cas. Ta
un accidente cu lo a pasa den oranan di marduga pasobra e
chauffeur mes no tabata t’ey.