Page 29 - HOH

ABV Ta Haya Cu Manager Di Laboratorio, Ruud

Bakas Mester Wordo Retira

 Local
- 17/07/2019

E caso di e Director di Laboratorio, Ruud Bakas a lanta masha stof. E no ta na Aruba
actualmente, pero na Hulanda, pero e investigacion forensico a cuminsa y ya caba a
descubri masha hopi iregularidad. Pregunta cu tin ta, con bini e persona aki a ser emplea,
pa tuma henter Hunta di Supervicion di HOH cabez abao. Nos lo bin despues riba mas
informacion cu nos tin y ta hayando.

Loke cu a hala hopi atencion ta denuncianan publico haci di manipulacionnan den
Laboratorio di Hospital, cu dos aña pasa a wordo independiza y hinca den un stichting cu
ta cay bou di hospital.

E denuncianan aki ta un asunto cu sindicato ABV a bisa cu basta tempo nan a tende y a
papia di esaki tambe cu gerencia di hospital, pero nada a wordo haci.

Gina Maduro, Presidente di ABV den un declaracion duna ta bisa cu e Ruud Bakas
mester wordo retira, e mester bay sinta riba su blaarnan awor, pasobra no a haci nada
antes.