Page 30 - HOH

Pa cuminsa, for di inicio nan no tabata di acuerdo pa nombra sr. Ruud Bakas den e
posicion di Manager, ya cu e no ta cumpli cu e rekisitonan, mientras cu tabatin un local
cu si ta cumpli.

A papia cu Raad van Bestuur/Raad van Toezicht pero nada. For di basta tempo a nota e
mal maneho di funcionamento di laboratorio.

Di parti di gerencia, nan a tuma ABV na malo, unda hasta cu nan a haya prohibicion pa
bay Departamento di Laboratorio pa papia cu e miembronan. No tabatin mag di drenta
laboratorio mas, unda cu tin cu dirigi nan mes directamente na Raad van Bestuur si
tabatin algun cos pa reclama riba e departamento.

E ultimo dos añanan,continuamente ABV tabatin problemanan interno na pia di trabou,
na Departamento di Patologia. Tabata un di e departamentonan cu mas tabata tin
problema. Y tambe directo cu e pataloog anatoom kende ta den servicio di hospital, unda
cu e bendicion di e manager di laboratorio, tabatin un maneho dictatorial y tabata
intimida e trahadornan y asina tin cu bisa cu e ambiente na laboratorio nunca no tabata
bon.

Locual cu si ABV ta preocupa, t’e consecuencia cu tin p’e miembronan. Intimidacion ta
punto di ordo. Continuamente trahadornan ta wordo intimida.

Hasta spreekverbod nan a haya, esta cu no papia nada afo. Locual cu ABV a haci
actualmente, a manda un carta urgente pa Raad van Toezicht, unda cu tin cu sinta
urgentemente.

Ta evalua tambe pa un peticion pa haci investigacion, pero di un experto independiente,
mirando cu no tin confiansa mas den hospital. ABV ta prefera di mira un investigacion
externo, unda cu por investiga profundamente

Gina Maduro a bisa tambe cu desde cu a nombre como Presidente di ABV, a cuestiona e
Raad van Toezicht. E tempo ey tabatin un Presidente cu tabatin su propio negoshi eyden.
Conflicto di interes tabata punto di ordo.

A señala esey y ABV a percura p’e persona sali for di Raad van Toezicht tambe, pasobra
no por. Te dia di awe ta cuestionando e constelacion di Raad van Toezicht manera e ta.
Pasobra e no ta den un setting di tripartite. Nan mes ta nombra nan mes.