Page 28 - ATA
P. 28
Riba e dia ey tambe ta bay tin e grupo di hobennan M.A.D House Music Group. E idea
ta, segun Illidge, pa duna nos hobennan mas exposure. Nan ta train, nan ta haci nan best y
esaki ta e momento cu nan por mustra e publico kico nan tin aden. Ta clausura e anochi
cu N’Fuzion cu nan tremendo repertorio. Esey ta pa e parti musical pa diaranson awo, 28
di augustus, for di 7’or pa 10’or di anochi. Ta bay tin 30 vendor cu ta prepara cu nan
delicioso menunan, full varia. Ningun no ta bay ta mescos cu otro, cu bebidanan local.
Tambe ta bay tin esnan cu ta bin cu nan artesania cu lo tin oportunidad pa bende cerca e
publico presente.
UN BIENTO FRESCO
E luga, Illidge a splica, ta uno hopi ameno. Tin cu haci uzo di nos luganan bunita cu
Aruba tin pa ofrece. El a agrega cu e meta di Island Festival no ta solamente pa trece
dushi musica, dushi cuminda, pero un biaha mas, un di e metanan ta pa saca nos localnan,
bin hunto, pasa un rato ameno y safe, cu tur hende, grandi y chikito, por bin gosa. Tambe
pa trece nos turistanan San Nicolas. Pa trece e trafico no solamente di turista, pero di
localnan pa San Nicolas.
