Page 27 - ATA
P. 27
Sin lubida cu tabata tin nan tremendo vendornan cu diferente cuminda, bebida, artesania
di nos artistanan local cu a wordo presenta. Tabata tin diferente otro artista cu a presenta
e dia ey. A trece e hobennan cu a presenta pa Miss Youth pa publico cera conoci cu nan y
fuera di esey, Popcorn Dancers ta forma parti di e Historical Show, cual e organisacion ta
sumamente orguyoso di dje. E organisadonan kier keda promove nan tambe y esey ta e
intencion, pa promove no solamente nos hobennan pero tambe nos artistanan local.
E DI TRES EDICION
Illidge a comenta cu e intencion di Island Festival ta pa amplia, pa engrandece e festival.
E ruta di e festival un biaha mas ta na entrada banda di O’Neils Kitchen, cual ta e main
entrance di Island Festival, y Sodo y Cuero ta presenta eynan y lo cuminsa deleita tur
esnan presente cu nan tambu, cu nan musica local. Tin e dia ey tambe na e rotonde
Joyride Band, cual porcierto tabata un tremendo exito den su anterior presentacion. A
trece tur hende den e groove di 80’s y 90’s, esta e feeling di hotel. A trece hotel den
Chocolate City.
